Fir se de jaaiye zindagi do ghadi,
Teergi dil ki fir se jalaa jaao kuch|
Fir se hothon pe mere hasi deejiye,
Fir se palakon pe moti saja jaao kuch|
Woh khushi jis ki aamad na ho fir kabhi,
Uske jhoothe dilaase dilaa jaao kuch|
Banke koi sitaara khade door ho,
Pass aa dhadkanon mein sama jaao kuch|
Bazm mein ab talak koi raunak nahi,
Apne saahir se raunak badha jaao kuch|
Hosh aaya to ghamgeen ho jaayenge,
Fir se humko deewana banaa jaao kuch|
No comments:
Post a Comment