ek dabi si chaahat jispe shaayad mera naam likha hai.
teri hayaa ki laali jisme shaam ghuli hai,
tere laton ke ghucche jinme chaand chhupa hai.
utha utha kar maine apni do palkon pe,khwaab anekon,sajaa rakhe hain.
kuch lamhe jo beet gaye woh chhupaa rakhe hain,
aur tujhe paane ke armaan dabaa rakhe hain.
adhkacche fal ke jaise in khwaabon ka anjaam kahaan hai.
kabhi subah ki angdaai ke jaise,maine tere chehre par dekhi hai,
ek dabi si chaahat jispe shaayad mera naam likha hai...
ab dil ko ek,mila jula sa darr hai aage kya hoga,
tum bicchdoge mujhse to jaane kab fir milnaa hoga,
kaun aage jaane tera mera rishtaa kaisa hoga,
waisa hi pehle jaisa ya aur surkh gehraa hoga,
ulfat ka ikraar mujhe tumse mere priyatam karnaa hai,
kabhi subah ki angdaai ke jaise,maine tere chehre par dekhi hai,
ek dabi si chaahat jispe shaayad mera naam likha hai....
No comments:
Post a Comment